‘Kyunki ek jaise nahi hote hai sab log’-Poetry

Milenge kuch aise log tumko, jo shayad samajh na paye mann ki har baat.

Galat mat samajhna kisi ko, kyunki ek jaise nahi hote hai sab log.

Kiya kisi ne thoda sa mazak, nahi achi lagi tumko unki ye baat.

Es ek mazak ko kyu lena apne dil pe dost, kyunki ek jaise nahi

hote hai sab log.

Kisi ko ata hai bahut kuch, har kisi ko nahi ata hai sab kuch.

Parakhne mat lagna unko har roz, kyunki ek jaise nahi hote

hai sab log.

Chaha tha tumne jaisa, kiya nahi tumhare kisi apne ne bilkul bhi waisa.

‘Kyu’ rakhna mann mei kisi sandeh ka bojh, kyunki ek jaise nahi hote

hai sab log. 

Kisi ke paas hai zyada tou kisi ke paas kam. Jaisa dikh raha hai aj,

kya pata na rahe waisa he kal. Badalta hai waqt bhi roz, kyunki ek

jaise nahi hote hai sab log.

Suni Sunayi baaton par mat bana lena vichar sabhi ke bare mein, 

har kisi ki hoti hai apni ek soch. Galat vo bhi nahi jinki kabhi nahi

badalti hai soch, kyunki ek jaise nahi hote hai sab log.

Gaur se sunna salah sabhi ki, karna apne mann ki.Har koi nahi, 

par kuch zarur samjhenge tumhare mann ke es faisle ka mol,

kyunki ek jaise nahi hote hai sab log.

Kisi ne kiya tumko yaad apni khushi mein, aur kisi ne kiya na 

kabhi yaad tumko. Kyu dena es baat pe kisi ko bhi dosh, kyunki

ek jaise nahi hote hai sab log.

Zindagi tabhi lagegi mazedar, jab milenge naye naye log har bar.

Ho sakta hai kuch naya seekhne ko mile uss roz, kyunki ek jaise

nahi hote hai sab log.

We get to meet and talk to different kinds of people, almost every day in our lives, it is not necessary that their frequency tends to match with ours every time. Experience the fun part of life, by interacting with all kinds of wonderful minds😊

Mindset: Rich mindset or poor mindset (click to read complete blog post)

Stay connected,
Nikita Kohli